Ganet eo bet Kaelig e Kreiz-Breizh e 1988 en ur familh stummet gant ar brezhoneg hag ar vro. Gant-se he deus klevet tonioù ha sonioù kozh an terouer a-hed he  bugaleaj, hag eo aet war roudoù he zad-kozh Sam Poupon, ur c'haner ha soner eus kostez ar Faoued (56).

Da 12 vloaz, kanañ a dro tamm-ha-tamm da huñvre eviti. Da 17 vloaz e ya da zeskiñ kanañ aketus gant un den a vicher.

E 2012, kaset da benn ganti he studioù war ar spagnoleg, eh eo santimantet da adgweañ ar c'hevreoù gant ar brezhoneg hag ar vro. Abaoe eh eo sorc'hennet da zelc'hen d'he daou soñj war ar memes tro. Diouzh un tu en em lak da ganañ ar sonioù bet kanet pe skrivet gwechall gant he zad-kozh; diouzh an tu all, e penn kentañ 2013 e tremen c'hwec'h miz  e Roazhon evit gwellaat he brezhoneg.

E miz Kerzu 2014 e c'honez an Défi Bro Gozh, un taol-striv lañset gant France 3 evit freskaat tress ar ganenn gozh.